Overview

Tá an cúrsa seo á mhaoiniú ag an gclár Fóirdheontais d’Fhoghlaimeoirí do Tháillí Micridhintiúr 2026. Tá fóirdheontas 80% de na táillí ar fáil i ngach catagóir foghlaimeoirí atá incháilithe. Téigh chuig Conas Iarratas a Dhéanamh le tuilleadh eolais a fháil.

Is é aidhm an mhodúil seo go mbeadh tuiscint ag an mac léinn ar an bpleanáil teanga, mar choincheap, agus ar an bpróiseas a bhaineann léi mar chleachtas agus mar ghníomh feidhmeach. Caithfear solas ar na díospóireachtaí iomadúla a bhaineann le sainiú na pleanála teanga agus ar an nasc atá idir í agus an beartas teanga (Spolsky, 2004; Ricento, 2006, 2019). Déanfar scagadh ar na réimsí éagsúla den phleanáil teanga – an phleanáil chorpais, an phleanáil stádais agus an phleanáil sealbhaithe – agus déanfar iniúchadh ar an gcaidreamh atá idir na réimsí sin agus próiseas na pleanála teanga féin. Chuige sin, breathnófar ar stair agus ar fhorás na pleanála teanga in Éirinn ó bhunú an tSaorstáit anuas go dtí na 1990idí. Beidh an modúl seo feiliúnach d’oibrithe pobail agus teanga sna ceantair phleanála teanga a luaitear in Acht na Gaeltachta. Beidh buntáiste acu siúd atá ag obair cheana féin in earnáil na Gaeilge go naisiúnta agus Straitéis 20 Bliain don Ghaeilge á feidhmiú acu.

Entry Requirements

• Bunchéim ag leibhéal 8
• Ní mór d’iarratasóirí a bheith os cionn 21 bliain d’aois.  
• Beidh an modúl seo feiliúnach d’oibrithe pobail agus teanga sna ceantair phleanála teanga a luaitear in Acht na Gaeltachta. Beidh buntáiste acu siúd atá ag obair cheana féin in earnáil na Gaeilge go naisiúnta agus Straitéis 20 Bliain don Ghaeilge á feidhmiú acu.

What you will Learn

Torthaí an Chúrsa
Nuair a bheidh an cúrsa micridhintiúr seo déanta agat, gheobhaidh tú creidiúintí de réir an Chórais Eorpaigh Aistrithe Creidiúna. Tugann an institiúid bhronnta aitheantas do na creidiúintí seo mar chreidiúintí atá ag teacht le cúrsaí foghlama a chuirtear i gcrích ag leibhéal iarchéime 9.

Measúnuithe

• Department-based Assessment (100%)

Contact

If you have any questions about this course, please contact:

An Dr Dorothy Ní Uigín
Riarthóir Theagasc na Gaeilge,
Áras na Gaeilge, Gaillimh
Díreach: 091 493493

Email: Dorothy Ní Uigín

How to Apply

Ón 18 Bealtaine 2026, is féidir leat iarratas a dhéanamh ar aon mhicrchreidiúint de chuid here.

Déantar iarratais a fhaightear trí láithreán gréasáin Ollscoil na Gaillimhe a aicmiú mar iarratais a bhfuil táillí le híoc orthu agus nach bhfuil maoinithe faoin bhFóirdheontas do Tháillí Foghlaimeoirí. 

Mar eolas: Cuirfidh riarthóir an chúrsa ríomhphost ina mbeidh Cáipéis Dearbhaithe Incháilitheachta an ÚAO chuig na hiarratasóirí a n-éireoidh leo agus a bheidh i ndiaidh glacadh lena dtairiscintí ar ardán Springboard+; ba chóir an cháipéis seo a líonadh agus a uaslódáil chuig cuntas Springboard na n-iarratasóirí sin a mbeidh éirithe leo mar fhianaise ar a n-incháilitheacht ar fhóirdheontas 80% 6 seachtaine roimh dháta tosaithe an chúrsa (i gcás iarratasóirí atá fostaithe/atá ag filleadh ar an oideachas) nó coicís roimh dháta tosaithe an chúrsa (i gcás iarratasóirí dífhostaithe).

Learn more about our application process.

Apply here: Online Application Portal

Tá an cúrsa seo á mhaoiniú ag an gclár Fóirdheontais d’Fhoghlaimeoirí do Tháillí Micridhintiúr 2026. Tá fóirdheontas 80% de na táillí ar fáil i ngach catagóir foghlaimeoirí atá incháilithe. Déantar iarratais trí láithreán gréasáin Springboard+, ach NÍ cúrsa atá maoinithe ag Springboard+ é seo.