University of Galway is inviting prospective postgraduate students to its open evening to learn more about their options for further study.   The event is also hosted on campus to allow would-be postgrads to avail of the opportunity to meet with academics and professional services to get an insight into life at the University.   The ‘Find Your Masters’ event takes place on Tuesday November 12, 2024 from 4-6pm in the Bailey Allen Hall, Áras na Mac Léinn.   Caroline Duggan, Head of Undergraduate and Postgraduate Recruitment, University of Galway, said: “Our postgraduate open evening is key for those who want to broaden their skill-sets, increase their specialist knowledge, future proof their career, build their professional network, and ultimately improve their career prospects. Almost half of the people applying to our postgraduate courses are not recent graduates, they are returning to study or upskilling for their current job.   “The value of a postgraduate qualification is proven in terms of future proofing your career, improving employability and career progression, increasing lifetime earnings, and many of our courses also offer opportunities for placement and internships.”   University of Galway offers more than 200 postgraduate courses across a range of subjects including Humanities, Business, Law, Engineering, Science and Computer Science, Nursing, and Medicine and Health Sciences. The open evening is an informal networking event. It is a showcase of the suite of full-time and part-time postgraduate programmes available, including taught and research masters, as well as doctoral research options. Flexible, online, and blended learning options are also on offer.  Academic staff will be available to meet prospective students to discuss study opportunities, entry requirements and career paths and postgraduate support staff will be on hand to discuss applications, admissions, scholarships and fees.   As part of University of Galway’s strategic focus on recognising excellence and success, EU students with first class honours in their undergraduate degree are eligible to apply for a €1,500 scholarship towards their taught master’s degree at the University. Visitors to the event can find out more about this and other scholarship schemes, fees, funding, and careers. Booking in advance is recommended and is available at www.universityofgalway.ie/postgraduate-open-day   Ends

Tugtar cuireadh do mhic léinn iarchéime ionchasacha teacht chuig oíche oscailte chun tuilleadh eolais a fháil faoi na roghanna a chuireann Ollscoil na Gaillimhe ar fáil maidir le staidéar breise. Reáchtáiltear an ócáid ar an gcampas chun deis a thabhairt freisin do mhic léinn atá sa bhliain deiridh dá gcéim an deis a thapú bualadh leis an lucht acadúil agus leis na seirbhísí gairmiúla chun léargas a fháil ar an saol san Ollscoil. Beidh an ócáid ‘Aimsigh do Chlár Máistreachta’ ar siúl Dé Máirt, an 12 Samhain ó 4-6pm i Halla Bailey Allen, Áras na Mac Léinn. Bhí an méid seo le rá ag Caroline Duggan, an Ceannasaí Earcaíochta Fochéime & Iarchéime, Ollscoil na Gaillimhe: “Tá an oíche oscailte iarchéime ríthábhachtach dóibh siúd ar mian leo a scileanna a leathnú, a gcuid saineolais a mhéadú, a ngairm bheatha a chinntiú amach anseo, a líonra gairmiúil a fhorbairt, agus a ndeiseanna fostaíochta a fheabhsú i ndeireadh na dála. I gcás beagnach leath díobh siúd a chuireann isteach ar ár gcúrsaí iarchéime, tá céim bainte amach acu píosa ó shin agus iad anois ag filleadh ar an staidéar nó ag tabhairt faoi bhreisoiliúint dá bpost reatha. “Tá an luach a bhaineann le cáilíocht iarchéime cruthaithe i dtéarmaí gairm bheatha a chinntiú amach anseo, infhostaitheacht agus dul chun cinn gairme a fheabhsú, tuilleamh saoil a mhéadú, agus cuireann go leor dár gcúrsaí deiseanna socrúcháin agus intéirneachtaí ar fáil freisin.” Tá níos mó ná 200 cúrsa iarchéime á dtairiscint ag Ollscoil na Gaillimhe sna Daonnachtaí, Gnó, Dlí, Innealtóireacht, Eolaíocht agus Ríomheolaíocht, Altranas, agus Leigheas agus na hEolaíochtaí Sláinte. Is ócáid líonraithe neamhfhoirmiúil atá san oíche oscailte. Beidh eolas le fáil faoi chláir iarchéime lánaimseartha agus pháirtaimseartha atá á dtairiscint, lena n-áirítear máistreachtaí múinte agus taighde, agus roghanna taighde dochtúireachta. Tá roghanna foghlama solúbtha, ar líne agus cumaisc ar fáil freisin.  Beidh cuid den fhoireann acadúil ar fáil chun bualadh le mic léinn ionchasacha chun deiseanna staidéir, riachtanais iontrála agus conairí gairme a phlé agus beidh cuid den fhoireann tacaíochta iarchéime ar fáil chun iarratais, iontrálacha, scoláireachtaí agus táillí a phlé.   Mar chuid den fhócas straitéiseach atá ag Ollscoil na Gaillimhe maidir le haitheantas a thabhairt d’fheabhas agus do rathúlacht, tá mic léinn de chuid an AE a bhfuil céadonóracha bainte amach acu ina mbunchéim i dteideal iarratas a dhéanamh ar scoláireacht €1,500 i dtreo a gcúrsa máistreachta múinte san Ollscoil. Is féidir le lucht freastail na hócáide tuilleadh eolais a fháil faoi seo agus faoi scéimeanna scoláireachta eile, táillí, maoiniú agus gairmeacha beatha. Moltar áit a chur in áirithe roimh ré agus is féidir é sin a dhéanamh ag www.universityofgalway.ie/postgraduate-open-day. Críoch  

Déanann Oidhreacht an Léinn comóradh ar na chéad mhic léinn a cláraíodh in 1849 – ceithre bliana i ndiaidh bhunú na hOllscoile Tá sraith imeachtaí cruthaitheacha fógartha ag Ollscoil na Gaillimhe inniu chun ceann d'ócáidí móra dá stair a chomóradh trí cheiliúradh a dhéanamh ar na 175 bliain atá caite aici i mbun oideachais. Shiúil na chéad mhic léinn faoin Áirse stairiúil agus isteach sa Chearnóg ag meán lae, Dé Máirt, an 30 Deireadh Fómhair 1849 chun tús a chur lena gcúrsaí staidéir agus foghlama ceithre bliana i ndiaidh bhunú na hOllscoile in 1845 mar Choláiste na Banríona, Gaillimh. D'éirigh le 68 mac léinn sna scrúduithe máithreánacha in 1849 agus thug siad faoin staidéir in 21 ábhar, mar shampla Gréigis agus Loighic agus Meitifiseas, i nDámh na nDán, Dámh an Leighis agus Dámh an Dlí, agus i Scoil na hInnealtóireachta Sibhialta agus Scoil na Talmhaíochta. Tá roinnt imeachtaí eagraithe ag an Ollscoil chun an ócáid seo a cheiliúradh faoin teideal "Oidhreacht an Léinn: 1849-2024". As Síol Beag a Fhásann an Crann is Airde Tá cuireadh á thabhairt don fhoireann, na mic léinn agus alumni "crann darach a uchtú". Tá isteach is amach le 68 crann darach óga – ceann amháin do gach duine dár gcéad mhic léinn – tar éis fás as dearcáin a bhí curtha i bhfolach ar thailte an champais ag na scréachóga coille áitiúla. Cuirfear ceann amháin acu ar chúl na Cearnóige agus tá an chuid eile acu á thairiscint don fhoireann, do na mic léinn agus alumni chun iad a chur ina ngáirdíní féin ar mhaithe leis an mbithéagsúlacht agus mar shiombail d'oidhreacht 175 bliain de mhic léinn na Gaillimhe. Tionscadal comhoibríoch tras-champais atá i gceist faoi stiúir an Dr Caitríona Carlin ó Aonad Éiceolaíochta Feidhmí na hOllscoile agus Diarmaid Mahon, Maoirseoir, Tailte agus Tírdhreachtú, le tacaíocht ó mhic léinn Eolaíochta Comhshaoil. Athléiriú de Ghrianghraf Stairiúil Tá roinnt bailiúchán oidhreachta i seilbh na hOllscoile agus tá foireann na Leabharlainne tar éis rogha grianghraf a thugann blaiseadh dúinn den ré sin a thiomsú de na mic léinn agus den champas i mblianta luatha na hOllscoile. Tá comórtas á eagrú anois chun an Oidhreacht Léinn leanúnach sin a chomóradh. Iarrtar ar mhic léinn ceann de na grianghraif stairiúla a athchruthú nó a athléiriú i suíomh comhaimseartha. 100 Réad Leabharlann na hOllscoile Tá taispeántas seolta ag Leabharlann na hOllscoile chun aird a tharraingt ar 100 réad óna mbailiúcháin a léiríonn cleachtais oibre fhoireann na leabharlainne i gcaitheamh na mblianta chomh maith lenár gcartlanna uathúla agus ár mbailiúcháin speisialta.  Is féidir léirmhíniú a fháil ar stair agus ar fhorbairt na Leabharlainne trí phriosma na réad sin, ar roghnaíodh iad mar thoradh ar thionscadal a stiúir Marie Boran, Leabharlannaí na mBailiúchán Speisialta, agus san áireamh leo tá íomhánna ó leabhair, lámhscríbhinní, bailiúcháin chartlainne, litreacha, grianghraif, nuachtáin, troscán leabharlainne, stáiseanóireacht agus déantáin. Tá an taispeántas oscailte don phobal anois i bhforhalla Áras Uí Argadáin. Céimithe a Scríobh Leabhar a Cheiliúradh Tá cáil ar shiopa leabhar Charlie Byrne i lár chathair na Gaillimhe as a cruthaithí a bhíonn a dtaispeántais fuinneoige. Mar chomóradh ar Oidhreacht Léinn na hOllscoile, tá taispeántas leabhar atá scríofa ag céimithe na Gaillimhe i gcaitheamh na mblianta curtha i dtoll a chéile chun ceiliúradh a dhéanamh ar an tionchar a bhí ag an aos léinn, idir mhic léinn agus scoláirí, le 175 bliain anuas. Faigh tuilleadh eolais faoi na tionscnaimh seo ag an nasc seo: www.universityofgalway.ie/ourhistory   Dúirt Uachtarán Eatramhach Ollscoil na Gaillimhe, an tOllamh Peter McHugh: “Le linn an tréimhse ba mheasa de Ghorta Mór na hÉireann, tráth a raibh géarchéim shóisialta agus éiceolaíoch ollmhór ann, bhí de mhisneach ag 68 mac léinn tús a chur lena n-oideachas ag an Ollscoil seo againne agus iad ag súil le saol níos fearr agus a gcion a dhéanamh chun an domhan a fheabhsú. "Beireann mic léinn an lae inniu leo an traidisiún fada misnigh, dóchais agus méine sin, agus áirítear leo na 3,368 mac léinn a chláraigh linn ar chúrsaí staidéir den chéad uair i mbliana. Déanann an comóradh seo ar ár nOidhreacht Léinn ceiliúradh ar na rúin sin, agus ar thóir an bhairr feabhais i dteagasc, foghlaim agus taighde."   Seo mar a labhair an tUachtarán Ionaid agus Meabhránaí Eatramhach, an tOllamh Becky Whay: “Grúpa beag mac léinn a bhí againn nuair a thosaigh muid, díreach 68 acu, arb as an t-oileán seo iad ar fad, ach anois tá breis agus 20,000 mac léinn againn a thagann chuig cathair na Gaillimhe as gach cearn d'Éirinn agus as breis agus 100 tír ar fud an domhain. Táimid bródúil as an tionchar mór a d'imir siad, agus atá á imirt acu, ar an bpobal agus ar an gcathair agus cibé áit ina bhfuil siad ar domhan, agus is údar mórtais dúinn é a bheith in ann 175 bliain den oideachas i gcroílár na Gaillimhe agus iarthar na hÉireann a cheiliúradh.   Dúirt Catríona Cannon, Ceannasaí na mBailiúchán Oidhreachta agus an Digitithe, Ollscoil na Gaillimhe: “Údar bróid dúinn i Leabharlann Ollscoil na Gaillimhe taifid is luaithe na hOllscoile ina bhfuil fianaise ar bhlianta luatha an tsaoil acadúil i nGaillimh a bheith inár seilbh. Tá fáil ar na leabhair a bhí á léamh ag ár gcéad mhic léinn sna Bailiúcháin Speisialta, agus áirítear bailiúcháin chartlainne agus dhigiteacha uathúla agus éagsúla sna Bailiúcháin sin chomh maith. Agus muid ag tabhairt aghaidh ar an todhchaí agus ag féachaint le Leabharlann agus Ionad Foghlama nua a fhorbairt, tugann an taispeántas 100 Réad Leabharlann na hOllscoile deis dúinn machnamh a dhéanamh ar na forbairtí suntasacha inár stair agus ár gcleachtas gairmiúil ó 1849." Bunaíodh Ollscoil na Gaillimhe de bhun an Colleges (Ireland) Act in 1845. Coláiste na Banríona, Gaillimhe an chéad ainm a bhí ar an Ollscoil agus cuireadh ar bun í, mar aon lena comhcholáistí i gCorcaigh agus Béal Feirste, chun oideachas ollscoile neamh-shainchreidmheach a chur ar fáil do lucht meánaicme na hÉireann a bhí ag teacht i dtreis an uair sin. Lean foirgneamh na Cearnóige múnla Christ Church in Ollscoil Oxford agus baineadh úsáid as aolchloch áitiúil chun é a thógáil i stíl Ghotach na dTúdarach. Togra Faoisimh an Ghorta Mhóir a bhí i gceist leis an tógáil. Críoch