Mic Léinn Reatha

Gheobhaidh tú cóip d'amchlár na léachtaí agus leabhráin eolais na Gaeilge ar an leathanach seo.

Leabhráin Eolais na Gaeilge

• Leabhrán Eolais na Chéad Bhliana
• Leabhrán Eolais an Dara Bliain
• Leabhrán Eolais Bhliain na Céime

Tabhair faoi deara go bhfaighidh tú an t-eolas is déanaí i gcónaí faoi mhodúil an chláir ar leathanach Canvas an mhodúil féin.

Uaireanta Teagaisc agus Amchláir sa Ghaeilge

Gach seachtain i rith an tseimeastair, bíonn idir léachtaí acadúla agus ranganna teanga/gramadaí ag gach mac léinn a dhéanann staidéar ar an nGaeilge. Is iondúil go mbíonn 5-6 uair an chloig teagaisc in aghaidh na seachtaine i gceist.

• An Chéad Bhliain: Bíonn 5 uair an chloig teagaisc in aghaidh na seachtaine sa Ghaeilge. 2 uair an chloig ar na léachtaí acadúla agus 3 uair an chloig de ranganna teanga/gramadaí.
• An Dara Bliain: Bíonn 6 uair an chloig teagaisc in aghaidh na seachtaine ag an ngrúpa seo. 4 uair an chloig de léachtaí agus 2 uair an chloig de ranganna teanga.
• Bliain na Céime: Bíonn suas le 6 uair an chloig teagaisc in aghaidh na seachtaine ag an ngrúpa seo. 4 uair an chloig de léachtaí agus 2 uair an chloig de ranganna teanga.

Uaireanta na Ranganna Teanga:

Socrófar amchlár na ranganna teanga (na modúil den teideal 'An Teanga Bheo' nó 'Teanga na Nua-Ghaeilge' ar Canvas) ag tús an téarma, agus cláróidh tú don sliotán ama is feiliúnaí duit.

• Gheobhaidh tú fógra ó Riarthóir na Roinne maidir leis na ranganna seo, agus ní mór duit a chinntiú gur féidir leat freastal orthu i rith na bliana - cláraigh ar Canvas (féach an rannóg People agus tá treoir do mhic léinn ar fáil anseo)
• Bíonn 3 uair an chloig sa tseachtain i gceist le ranganna teanga sa chéad bhliain.
• Bíonn 2 uair an chloig sa tseachtain i gceist i mblianta eile an chláir.

Uaireanta na Léachtaí:

D'fhéadfadh athrú teacht ar ord teagaisc na modúl acadúil ag brath ar chúinsí spáis/foirne, ach beidh na huaireanta teagaisc féin mar a chéile. Sliotáin ama lárnacha don Ghaeilge atá anseo agus mar sin, níor cheart go mbeadh léachtaí in aon ábhar eile de do chuid (m.sh. Stair, Béarla, Dlí) ar siúl ag na tréimhsí ama seo. Má tá, is faoin disciplín eile sin teacht ar réiteach leat.