Jump to Content

Conas cuardach a dhéanamh

Ar mhaithe le cuardach na Gaeilge a éascú, soláthraítear anseo téacs asbhainte ina bhfuil consain séimhithe ḃ, ċ, ḋ, ḟ, srl. aistrithe go bh, ch, dh, fh, srl. Dá réir sin, nuair a iarrtar ‘Gaedhilge’ tiocfar ar na focail clóite ‘Gaedhilge’ agus ‘Gaeḋilge’.

Tá dhá chuardach éagsúil ar fáil do An Gaodhal sa Leabharlann Dhigiteach. Tairgítear amharc ar bhailiúchán chomh maith le hamharcóir IIIF. San amharc ar bhailiúchán, aimseoidh cuardach ar fhocal ina bhfuil an litir ‘a’ na litreacha ‘a’ agus ‘á’; is é sin le rá, aimseofar ‘failte’ agus ‘fáilte’ araon. San amharcóir IIIF, ní mór d’úsáideoirí gutaí le sínte fada a cheadú más mian leo teacht ar fhocail ina bhfuil sínte fada, i.e. ‘á’ a thiocfaidh ar ‘á’. Cibé rogha a dhéanann úsáideoir, ní dhéanann cuardach idirdhealú idir litreacha cás uachtair agus litreacha cás íochtair.

De réir réamhshocraithe, tóraítear focal iomlán; is é sin, má lorgaítear ‘Gaodhal’, ní thiocfar ar ‘Gaodhalach’. Más cuid d’fhocal atá á lorg, úsáid saoróg *: cuir i gcás, tiocfaidh cuardach do ‘Gaed*’ ar fhocal ar bith a thosnaíonn le ‘Gaed’ (‘Gaedhilge’, ‘Gaeḋilge’, srl.).

Is féidir le húsáideoirí bailiúchán iomlán An Gaodhal a thóraíocht ag na nascanna thíosluaite. I mbailiúcháin uile na Leabharlainne Digití, áiríonn tóraíocht téacs iomlán móide réimsí sainithe meiteashonraí (teideal, cur síos):

Is féidir torthaí an chuardaigh a bheachtú trína scagadh ar chlé.

Searching the databases

Is féidir le húsáideoirí mír amháin i.e. eagrán de An Gaodhal, a roghnú ar mhaithe le féachaint ar aon eagrán amháin den nuachtán tríd an amharcóir IIIF. Tá idir 8 agus 16 leathanaigh i ngach aon eagrán.

In eagrán nó dhó feictear leathanacha breise a áiríonn ábhar anótála atá sáite idir leathanaigh an nuachtáin. Ba é an tAthair Domhnall Ó Morchadha a chruthaigh an t-ábhar seo ar mhaithe lena shaothar mar bhailitheoir amhrán agus ba é a chruinnigh an tsraith seo de An Gaodhal. Más inléite iad a chuid nótaí, áirítear iad sa téacs iomlán asbhainte agus clibeáiltear iad mar nótaí imill.

Tá cuardach IIIF ar fáil d’aon mhír – sa chás seo, d’aon eagrán de An Gaodhal – tríd an amharcóir IIIF. Tá an cuardach seo teoranta: áirítear téacs na míre amháin agus ní áirítear na meiteashonraí gaolmhara. Aibhsítear torthaí ar íomhá an leathanaigh. Ní áirítear focail feidhme an Bhéarla (ailt, réamhfhocail, srl.) sa chuardach; seo thíos liosta iomlán de stadfhocail: a an and are as at be but by for if in into is it no not of on or such that the their then there these they this to was will with.