Aidhm an chláir: 

Cumasc tomhaiste den staidéar acadúil agus den fhoghlaim phraiticbhunaithe a chur ar fáil sna meáin agus i gcrúthu ábhair a chuirfidh ar chumas céimithe an chláir feidhmiú mar 'chleachtóirí machnamhacha' sna meáin chumarsáide chomhaimseartha agus cur lena gcumas i gcumarsáid na Gaeilge. 

Cuspóirí an chláir: 

• Staidéar a dhéanamh ar na comhthéacsanna agus ar na suíomhanna éagsúla ina bhfeidhmíonn na meáin chomhaimseartha d'fhonn anailís chriticiúil a dhéanamh ar a ról i múnlú na n-acmhainní siombalacha trína dtagann daoine ar thuiscintí faoin tsochaí mórthimpeall orthu. 
• Foghlaim ó thaithí a chur ar fáil do mhic léinn maidir le cleachtais ghairmiúil oibreoirí na meán agus cruthaitheoirí ábhar ilmheán, d’fhonn tuiscint ghrinn agus taithí a thabhairt dóibh ar chleachtais ghairmiúil sna meáin chomhaimseartha. 
• Sintéis éifeachtach idir an teoiric agus an phraitic a aimsiú d'fhonn forbairt intleachtúil, acadúil agus ghairmiúil na scoláirí mar ‘chleachtóirí machnamhacha’ a chur chun cinn. 
• Cur le cumas an mhic léinn é/í féin a chur in iúl agus i láthair go héifeachtach agus go húdarásach trí mheán na Gaeilge. 

Torthaí foghlama an chláir: 

Ar chríoch an chláir beidh céimithe in ann: 

• Anailís chriticiúil a dhéanamh ar théacsanna meán agus ar ról na meán sa tsochaí;
• Machnamh cruthaitheach a dhéanamh ar choincheapa scéalaíochta agus ábhair;
• Léargas grinn a thabhairt, agus anailís chriticiúil a dhéanamh, ar chleachtais ghairmiúla iriseoirí, craoltóirí agus cruthaitheoirí ábhar ilmheán;
• Ceisteanna eitice sna meáin chomhaimseartha a scrúdú agus a phlé go húdarásach;
• Dioscúrsaí éagsúla a chur i láthair, a scrúdú, a cheistiú agus a phlé go paiteanta agus go húdarásach trí mheán na Gaeilge;
• Inniúlacht ar scileanna iriseoireachta, craoltóireachta agus cruthú ábhair a léiriú;
• Tionscadal taighde féinstiúrtha a phleanáil, a dhearadh, a fhorbairt agus a chur i gcrích. 

Reáchtálfar an clár léinn ar bhonn lánaimseartha in imeacht aon bhliain amháin agus ar bhonn páirtaimseartha in imeacht dhá bhliain. Reáchtálfar an clár múinte (Seimeastar 1 & 2) ar phríomhchampas Ollscoil na Gaillimhe, Gaillimh agus beidh tréimhsí foghlama ar an láthair oibre ag deireadh seimeastar 1 agus 2 leis an gcraoltóir náisiúnta poiblí RTÉ. 

Croímhodúil:  

Tugann croímhodúil an chúrsa forléargas do na scoláirí ar na príomhréimsí acadúla agus scile a bhaineann le hearnáil na Cumarsáide chomh maith le dhá thréimhse foghlama in RTÉ. Clúdaítear na croímhodúil seo i seimeastar 1 agus 2.  

• Na Meáin agus a Luchtanna Féachana
• Scriptscríbhneoireacht don Scáileán
• Eiticí agus Litearthacht na Meán
• Cruinnscríobh na Gaeilge
• An Caighdeán Oifigiúil
• Foghlaim ar an Láthair
• Cruthú Ábhair
• Nuálaíocht, Geilleagar agus Rialú na Meán.
• Modheolaíochtaí Taighde Comhaimseartha 

An tionscadal taighde féinstiúrtha: 

Ar chríochnú an chláir mhúinte go sásúil dóibh, is féidir le scoláirí Dioplóma Iarchéime i gCleachtas Gairmiúil sna Meáin a bhaint amach, nó is féidir leo dul ar aghaidh agus MA (Cleachtas Gairmiúil sna Meáin) a bhaint amach trí Thionscadal Taighde Féinstiúrtha a chur i gcrích le linn an tSamhraidh. 

Curriculum Information

Beidh buntáiste ar leith ag céimithe an chláir, agus taithí agus tuiscint faighte acu ar ghnéithe nuálacha na meán comhaimseartha i saol na linne seo, mar shampla, trí ábhar éagsúil físe, fuaime agus scríofa a chruthú agus a fhoilsiú ar ardáin ilmheán éagsúla, agus trí iniúchadh acadúil a dhéanamh ar na próisis éagsúla a bhíonn i gceist le hionramháil na meán sa lá atá inniu ann.

Bíonn deiseanna fostaíochta ar fáil do chéimithe an chláir i dtionscal na meán, i ngairmeacha gaolmhara, agus i réimse gairmeacha eile ina mbíonn sárthuiscint agus taithí ar na meáin ina mbuntáistí sonracha. Ar na fostóirí sin tá RTÉ, TG4 agus BBC, chomh maith le stáisiúin raidió áitiúla, comhlachtaí léiriúcháin teilifíse agus raidió, ardáin ilmheán, comhlachtaí caidrimh phoiblí, comhlachtaí stáit agus leathstáit, agus réimse leathan cuideachtaí agus gnólachtaí san earnáil phríobháideach. 

Cuirfidh RTÉ deiseanna cuí ar fáil do mhic léinn an chláir chun foghlaim phraiticbhunaithe agus taighde páirce a bhaint amach in aonaid Ghaeilge RTÉ ar láithreacha éagsúla le linn an chláir.  

Ar na haonaid a d'fhéadfadh a bheith i gceist tá an Seomra Nuachta i mBaile na hAbhann, Conamara; rannóga éagsúla de chuid RTÉ Raidió na Gaeltachta i gCasla, Conamara; aonaid eile RTÉ Raidió na Gaeltachta i nDomhnach Broc (Baile Átha Cliath), i mBaile na nGall (Ciarraí) agus sna Doirí Beaga (Dún na nGall); Deasc Digiteach Gaeilge RTÉ i nDomhnach Broc; Aonad na gClár Teilifíse Gaeilge, Domhnach Broc, agus aonaid eile de chuid RTÉ de réir mar is cuí. 

Cuirfear an chéad tréimhse i gcrích i Mí na Nollag agus cuirfear an dara tréimhse i gcrích i Mí Aibreán/Bealtaine. 

• An Dr Dan Dwyer - Léachtóir in Aonad Léann na Cumarsáide
• Aodh Ó Coileáin, BA, LLB, LLM - Léachtóir sna Meáin
• Seán Breathnach, BA, MA, A.Diop. i gCumarsáid Fheidhmeach - Léachtóir in Aonad Léann na Cumarsáide
• Carmel Ní Bhriain, BA, MA, Diop. sa Ghaeilge - Léachtóir in Aonad Léann na Cumarsáide
• Fionn Ó Sealbhaigh, BA, MA - Léachtóir in Aonad Léann na Cumarsáide
• Norita Ní Chartúir, BA, A.D.O - Léachtóir in Aonad Léann na Cumarsáide
• Gearóid Ó Cadhain, BSc, MSc - Léachtóir in Aonad Theicneolaíocht na Faisnéise
• Belinda McHale - Léachtóir le Gaeilge Fheidhmeach in Aonad na Gaeilge Feidhmí
• Tomás Ó Maolalaidh - Léachtóir san Aonad Aistriúcháin & Ateangaireachta 

How Will I Be Assessed? 

Measúnuithe leanúnacha (aistí, cuir i láthair agus tuairiscí) le linn an tseimeastair agus scrúduithe scríofa roimh an Nollaig agus i Mí Aibreán. 

Ceadófar do mhic léinn a bhaineann pas amach sna modúil mhúinte tabhairt faoi thionscadal féinstiúrtha a bheidh riachtanach don gcáilíócht máistreachta.   

Course queries: 
dan.dwyer@universityofgalway.ie   

Programme Director(s):  

An Dr Dan Dwyer,  
Léachtóir in Aonad na Cumarsáide,  
Acadamh na hOllscolaíochta Gaeilge 

Is féidir le hiarrthóirí nach bhfuil na cáilíochtaí acadúla cuí acu, ach a bhfuil ar a laghad cúig bliana de thaithí ghairmiúil acu i réimse na meán nó i réimse gaolmhar, iarratas a dhéanamh faoi chóras na hOllscoile d’Aitheantas don Réamhfhoghlaim (RPL).

Riachtanais Iontrála

Bunchéim Dara hOnóracha, Grád 2 ag leibhéal 8, nó Dara hOnóracha, Grád 2 i gclár iarchéime. Éilítear caighdeán Gaeilge ag leibhéal C1 den Chomhchreat Tagartha na hEorpa um Theangacha mar bhunriachtanas iontrála. Is gá d’iarrthóirí Stiúrthóir Acadúil an chláir a shásamh go bhfuil an caighdeán seo acu sa Ghaeilge. 

You can apply online to the University of Galway application portal here.  

Please review the entry requirements set out in the section above.  

You will be required to upload supporting documentation to your application electronically. See the section above on entry requirements for further information on the supporting documentation required for this course.  

Closing Dates 

For this programme, there is no specific closing date for receipt of applications. Applications will be accepted on a rolling basis and course quotes will be reviewed continuously throughout the application cycle.  

Notes 

• You will need an active email account to use the website and you'll be guided through the system, step by step, until you complete the online form.
• Browse the FAQ's section for further guidance.

Fees for Academic Year 2026/27

For 26/27 entrants, where the course duration is greater than 1 year, there is an inflationary increase approved of 1.8% per annum for continuing years fees.

Postgraduate students in receipt of a SUSI grant – please note an F4 grant is where SUSI will pay €4,500 towards your tuition (2026/27).  You will be liable for the remainder of the total fee.  A P1 grant is where SUSI will pay tuition up to a maximum of €6,270. SUSI will not cover the student levy of €140.

Note to non-EU students: learn about the 24-month Stayback Visa here. 

Postgraduate Excellence Scholarships

This scholarship is valued at €1,500 for EU students applying for full-time taught master's postgraduate courses. You will be eligible if: 

• You have been accepted to a full-time taught master's course at University of Galway,
• You have attained a first class honours (or equivalent) in a Level 8 primary degree.  

An application for the scholarship scheme is required (separate to the application for a place on the programme). The application portal for 2026 is now open and available here. Applications will close on the 30th September 2026. Full details available here.  

Global Scholarships

University of Galway offers a range of merit-based scholarships to students from a number of countries outside of the EU. Visit here for schemes currently available.  

Application Process 

Students applying for full time postgraduate programmes from outside of the European Union (EU), You can apply online to the University of Galway application portal here.  

Our application portal opens on the 1st October each year for entry the following September.   

Further Information 

Please visit the postgraduate admissions webpage for further information on closing dates, documentation requirements, application fees and the application process.