Léim go Ábhar

Gearrchúrsaí (neamhchreidiúnaithe)

Cuireann an tIonad Foghlama agus Forbartha Gairmiúla d’Aosaigh sraith gearrchúrsaí neamhchreidiúnaithe, sa seomra ranga agus ar líne, ar fáil i réimsí éagsúla. Tá na cúrsaí leagtha amach do scoláirí a bhfuil suim acu sna hábhair atá ar fáil agus tugann siad deis dóibh tuilleadh a fhoghlaim faoin ábhar agus taithí a fháil ar fhoghlaim ar feadh an tsaoil.

Costas

€145

Fad an chúrsa

8 seacht

Dáta tosaigh

12 Feabh

Cuirfear tús leis na gearrchúrsaí an tseachtain dar tús 12 Feabhra agus tairgtear iad mar chlár sa seomra ranga nó ar líne thar 8 seachtaine, tráthnóna amháin in aghaidh na seachtaine, ón 7–9pm.

Liosta na nGearrchúrsaí in 2024


Dé Luain
Blaiseadh de Stair na Fealsúnachta san Iarthar	Seomra ranga

Dé Máirt
Ag scríobh don Idirlíon	Ar Líne
Bunús an Léirshamhlaithe Sonraí: Treoir Phraiticiúil do Thosaitheoirí	Ar Líne
Roghanna Feasacha don Mhaireachtáil Inbhuanaithe	Seomra ranga
Spáinnis a fheabhsú	Ar Líne

Dé Céadaoin
Teicneolaíochtaí Fuinnimh In-athnuaite: Prionsabail, Feidhmeanna, agus Úsáidí	Ar Líne
Iodáilis do Thosaitheoirí	Ar Líne
Gearmáinis a fheabhsú	Ar Líne

Déardaoin
Aeráid mheasartha an Domhain a thuiscint – agus na hathruithe atá ina bhagairt	Seomra ranga
Blaiseadh den Mhandairínis	Ar Líne
Cleachtas na Filíochta leis an Dr Rachel Coventry	Seomra ranga

Tá an fhoirm ar fáil i mBéarla amháin faoi láthair ach is féidir leat teagmháil a dhéanamh le adultlearning@universityofgalway.ie sa chás go bhfuiltear ag iarraidh iarratas a dhéanamh trí mheán na Gaeilge.

Chun tuilleadh eolais a fháil ar na cúrsaí, cliceáil ar an mbróisiúr thíos:

‌‌‌‌‌‌‌‌‌‌‌‌

Gearrchúrsaí 2024 (Bróisiúr)

‌Ceisteanna Coitianta

Cén chaoi ar féidir liom iarratas a dhéanamh?

Is féidir iarratas a dhéanamh ar líne anseo. Ní féidir iarratas a sheoladh sa phost ná a chur isteach go pearsanta.

Seolfar nasc rochtana chuig an gcúrsa ar rphost chuig rannpháirtithe na gcúrsaí ar líne roimh dháta tosaithe an chúrsa. Cuirfear tús leis na gearrchúrsaí an tseachtain dar tús an 12 Feabhra 2024. Tá lá agus am gach cúrsa liostaithe thuas ar an láithreán gréasáin.

Cén spriocdháta atá ann?

Dé Céadaoin, an 7 Feabhra 2024 spriocdháta na nGearrchúrsaí.

Cén costas atá ar an gcúrsa?

€145 an costas atá ar na gearrchúrsaí ar líne.

Cá mbíonn na cúrsaí ar siúl?

Cuirfear na cúrsaí ar fáil i seomra ranga nó ar líne ar Zoom. Gheobhaidh rannpháirtithe rphost leis an gcód rochtana agus an pasfhocal an tseachtain sula dtosaíonn an cúrsa.

An mbeidh scrúduithe i gceist?

Ní bheidh scrúduithe ag deireadh na ngearrchúrsaí mar is cúrsaí neamhchreidiúnaithe iad.

An bhfaighidh mé teastas?

Ní bhfaighidh tú teastas ag deireadh na gcúrsaí mar is cúrsaí neamhchreidiúnaithe iad.

Cúrsa a chur ar ceal/Aisíocaíochtaí

Beidh na cúrsaí seo ag brath ar líon áirithe scoláirí a bheith cláraithe. Mura mbeidh líon áirithe scoláirí cláraithe ar chúrsa cuirfear ar ceal é. Déanfar cúrsa eile a thairiscint d’iarrthóirí nó déanfar aisíocaíocht* ar tháille an chúrsa. Chun d’áit a chinntiú ar do rogha cúrsa déan iarratas chomh luath agus is féidir leat.

Ní bhíonn aisíocaíochtaí i gceist ach amháin má bhíonn orainn cúrsa a chur ar ceal. Is ar an mbunús seo a iarrtar ort eolas a chur ar ábhar an chúrsa sula gcláraíonn tú.

*Tabhair faoi deara go ndéanann Ollscoil na Gaillimhe aisíocaíochtaí a phróiseáil agus go bhféadfadh go mbeadh moill i gceist.

Cé leis ar féidir liom teagmháil a dhéanamh?

Má tá aon cheist agat is féidir leat glaoch ar 091 494059 nó ríomhphost a sheoladh chuig trainingeducation@universityofgalway.ie.

Ráitis ó mhic léinn na nGearrchúrsaí...

Eve Edgeworth | Iodáilis ar líne

Bhí an cúrsa Iodáilise ar líne thar cionn; bhí sé iontach rud éigin nua a fhoghlaim agus freisin "bualadh" le daoine nua. Ba mhúinteoir iontach í Oriana, an-tarraingteach agus an-spraíúil.

Liz Kelly | Podchraoladh

Bhain mé an-taitneamh as an taithí ar fad, d'fhoghlaim mé go leor agus táim muiníneach faoi mo chuid smaointe a leanúint agus faoi phleanáil do mo phodchraoladh. Bhí Orla an-oscailte agus chuir sí fáilte roimh chách - tá an-taithí aici ach tá sí fós chomh hoscailte do gach a bhí le rá againn.

Aoife Keane | Iodáilis do Thosaitheoirí

Ar an iomlán, cúrsa an-spraíúil, eagraithe, taitneamhach a bhí ann. Ba mhaith liom clárú ar chúrsa eile ar líne in Ollscoil na Gaillimhe bunaithe ar an taithí dhearfach seo.

Mac Léinn gan Ainm | Feabhas ar an bhFraincis

B’fhiú go mór an cúrsa a dhéanamh - tá aon chomhrá Fraincise iontach! Bhí fáilte romhainn ar fad ar an gcúrsa beag beann ar ár leibhéal, sílim dá mhéad a dhéanaimid mar ghrúpa mac léinn Fraincise go gcabhróidh sé linn níos mó físeán a chuardach ar líne chun an éisteacht agus an tuiscint a fheabhsú.

Mac Léinn gan Ainm | Filíocht

Chruthaigh Emily spás cairdiúil agus roinn sí a cuid eolais go fial. Spreag a díograis sinn go léir, beag beann ar an taithí a bhí againn ag an tús. Eispéireas foghlama taitneamhach agus cairde nua agam dá bharr!

Gateway Pages

Quicklinks